युवाओं अबके करज्यों ऐसो मतदान,
जीसूं चुणौ थे सरकार महान,
देख लिज्यो अगला पिछला सारा,
जनप्रतिनिधि रा कर्मकांड,
युवाओं अबके करज्यों ऐसो मतदान,
देकर जनतंत्र रै मायै अपणी पूर्ण भागीदारी,
चुण लिज्यों थे भी एक जमीन सूं जुडो़ हूयों,
मानवता से ओत पोत जनता री सेवा
करवाडौ़,एक नैतिकता सूं भरो हुयों भोळो,
इंसान, युवाओं अबके करज्यों ऐसो मतदान,
जीसूं चुणौ थे सरकार महान,
कपोल कल्पना रे झांसा में थे अबके,
मत आज्यो,खुला में करज्यों थे मतदान
तो देख लिज्यों अगला पिछला
सारा विकास रा फरमान,
जो थे करज्यों गुप्त मतदान तो
समझ लिज्यों पूरा लोकतंत्र रो ज्ञान,
जो थे करज्यों कान रा माय मतदान
तो जान लिज्यों योजना,परियोजना रो सारो ज्ञान,
युवाओं अबके करज्यों ऐसो मतदान,
अबके लालच में आकै थे दे दियो जो
अपणो बहुमूल्य मतदान तो आ जावेली
म्हारा भाईल्या संकट मैं थाकी ही जान,
दिया पाछे थे पछतावला फैरू पांच साल
रे माय गरीबी,बेरोजगारी,महंगाई,विकास री
धीमी गति रो बेसुरी बिगुल बजावला,
फैरू थाके सपना रो सौदा करवाल्या ही,
सौदागर थाने दर दर भटकावेल्यों,
युवाओं अबके करज्यों ऐसो मतदान,
जीसूं चुणौ थे सरकार महान।
डॉ. कांता मीना
शिक्षाविद् एवं साहित्यकार
